Ministrja e Drejtësisë, Albulena Haxhiu për 24 vjetorin e Shërbimit Korrektues të Kosovës tha se është shënuar progres dhe profesionalizëm.

Haxhiu tha se ky mision ka synim për risocializimin e personave që kanë kryer dënimin që mos të jenë të sikmatizuar.

“Përveç që ka shënuar progres në infrastrukturë atë edhe në profesionalizëm. Ky mision ka për synim risocializimin e personave që kanë kryer dënimin që mos të jenë të sikmatizuar, nuk do të ketë paragjykime ndaj racës dhe gjuhës e kombit”, tha Haxhiu.

Ministrja tha se kanë avancuar drejt ligjit për sanksione penale që paraqet një varg të drejtat themelore të të akuzuarve nga shërbimi korrektues.

“ Ne kemi avancuar drejt ligjit për sanksionet penale që paraqet një varg të drejtat themelore të të akuzuarve nga shërbimi korrektues. Sistemi korrektues kanë për synim krijimin e kushteve për stafin punës”, theksoi ajo.

Haxhiu përmendi edhe faktin se sot do të diplomojnë 45 gra, duke ftuar që të angazhohen më shumë në ngritjen e këtij institucioni.

“Sot do të certifikohen 45 gra, pra duke prioritizuar punësimin e grave në profesionalizëm dhe angazhim profesional. Me veprimet e tyre shembullore kanë arritur që ta mbrojnë në maksimum, andaj vazhdoni sepse misioni i juaj është i shenjtë sepse personat që kanë kryer dënimin të risocializohen në shoqërinë tonë. Ju ftoj që të angazhoheni edhe më shumë në ngritjen e këtij institucioni”, u shpreh Haxhiu./Arbresh.info/

LEXO EDHE:

Kurti: Shërbimi Korrektues i Kosovës do të arrijë standardin e burgjeve evropiane